Jowai, Risaw 14: Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) kaba la long ha ka 14 tarik u Risaw ha Kiang Nangbah Stadium, Jowai.
Ka jingïakhun ba nyngkong ka la kut ha kaba ka Mooknor Thadmuthlong kala pynliem da 7-1 kol ïa ka Khliehïongriang. U Ioh i Dhar (11,79 & 87 minit) u la khyrwit hat trick na bynta ka Mooknor Thadmuthlong,u Manhok Suchiang (61 & 75) u la thep ar kol, katba u Rimiki Suchiang (56), bad u Lad Tang (66) ki la thep mar kawei. Ïa ka shikol na ka Khliehïongriang la thep da u Basuklang Khonglah (19).
Haka jingïakhun ka la kut ha ka jingïakhaid da mar 2 kol hapdeng ka Mynthong bad ka Mookyndur. Ki ar kol na ka Mynthong la thep da u Wailadmi Shadap (31) bad u Riketto Dkhar (87). Katba na ka Mookyndur la thep da u Demehi Phawa (2) bad u Bandaplang Pariat (90).
