Khliehriat, Nailur 24: Ka lympung ïalehkai phutbol jong ka kyrdan First Division bala pynïaid da ka East Jaiñtia Hills District Football Association (EJHDFA) kala sdang ha ka Lah Sngi U Blei (14 tarik u Risaw) ha madan (Artificial Turf) Diengshynrum, Khliehriat.
La wan ban plie pyrda ïa kane ka lympung da u Merimon Rymbai u Ex-Waheh Shnong ka Rymbai, ha ryngkat ka jingdon lang u Ex-CEM barim ka JHADC u ma Hambertus Nongtdu bad ki dkhots jong ka EJHDFA.
Ha kane ka sngi sdang ha ka jingïakhun kaba nyngkong ka R. Synrangshahkhain SC kala jop da 1-0 kol ïa ka Byndihati CSC, ïa katei ka shikol la thep da u Hikaidame Bareh haka minit ba 61.
Katba ha ka jingïakhun kaba ar ka Jalyiah UTD SC kala jop da 2-0 kol ïaka Khliehriat West FC, ïa kitei ki ar kol na ka Jalyiah UTD SC la thep marwei da u Jusmi Dkhar haka minit ba 11 & 63.
