Shillong, Risaw 11: U Myntri Rangbah ka Jylla hynne ka sngi, ula ïashimbynta ha ka Swachhata Hi Seva (SHS) 2024 Campaign kaba la sdang naduh ka 17 tarik Nailur bad kut ha ka 2 tarik Risaw.
Na ka liang u Myntri Rangbah ha ka sngi Thohdieng ula ïashimbynta ha ka jingpynkhuid shnong ha sor Tura Super Market Complex ha ka jingïadonlang u Deputy Commissioner ka West Garo Hills bad ki Heh ka District nalor ka Tura Municipal Board (TMC) bad kiwei kiwei. Hadien kane haba ai jingkren, ula ong ba ka jingkhuid kam dei ban long tang ka kam ba shi khyllipmat ne kano kano ka sngi haba kyntu ïa ki paidbah ba kin pynneh ïa ka jinglehkhuid manla ka sngi ha ka jingim jong ki bad pynlong ruh kum shibynta na ka dustur bad ka jingpynmlien kaba manla ka sngi.
