Shillong, Risaw 01 : Ka Laitkyrhong Sports Club ka la ïoh ban pynliem noh da 2-1 kol ïa ka Sohïong SC ha ka lympung ïalehkai jong ka SSA 2nd Division 2024 kaba long hynne ka sngi ha madan SSA, Polo Shillong.
Ïa ki kol jong ka Sohïong ha kane ka sngi la ïoh ban thep da u Wanboklang Kharshilot ha ka minit kaba 24 jong ka jylla step. Ïa ki ar kol jong ka Laitkyrhong pat la ïoh ban thep da u Mebanrikupar Rynjah ha ka minit kaba 39 ban pynïakhaid artad ïa ka jingïakhun.
Mar ïa sdang jong ka jingiakhun dei ka Sohiong kaba ioh ban teh lakam hynrei dei hadien ba la shah pynphai noh ba ka jingïakhun ka la sdang ban kylla da kumwei.
Hapdeng ka jingïakhun kaba itynnad bha, ka Laitkyrhong ka la ïoh biang ban thep sa shi kol lyngba u Shngainlang Surong ha ka minit kaba 3 kaba kylla long ruh ka kol jop na bynta ka kynhun ha kane ka sngi.Wat hadien ka jingïakhun kaba tyngeh ha ka kylla miet hynrei ka Sohïong kam shym la lah satia ban pynphai ïa ka kol ba ka shah lamkhmat bad kumta ka la hap ban mad ïa ka nam rem.
Ka jingïakhun ha ka SSA 3rd Division, 2024 ha ka sngi Balang ka 02/10/2024 kan long hapdeng ka Mawryngkneng SC pyrshah ïa ka Umpling SC ha ka por 2.30 baje nohphaisngi.
