Shillong, Nailur 26: Ki dkhot ka All Meghalaya SSA School Teachers Association (AMSSASTA) ha ka jingleit ban kynduh ïa u State Project Director u Swapnil Tombe ba dei peit ïa ka kam SSA bad ïa u Commissioner bad Secretary ba dei peit ïa ka tnad pule puthi ka sorkar jylla u Vijay Kumar Mantri ki la pan jingshai halor ka jingong ba ka sorkar kan ithuh noh ïa ki nonghikai SSA kum ki nongtrei sorkar.
Haba ïadei bad kane na ka liang u Bah Wanpyndap-Hi Lapang General Secretary ka seng AMSSASTA u la ong ba kitei ki heh sorkar baroh arngut ha kane ka jingïakynduh ki la pynshai ba ka sorkar kam don kata ka jingthmu ban shim ïa ki nonghikai SSA kum ki nonghikai ba pule jong ka sorkar jylla, ïa kane ki la kren shai ha ki nongïalam ka seng ha ka jingïakynduh bad kitei ki heh sorkar.
La ong ba ka jingdawa jong ka seng ka long ba ka sorkar ka dei ban pynkiew noh ïa ka tulop jong ki nonghikai SSA da 100% ha shuwa ka 30/ Nailur /2024 mynta u bnai, ha kane ka jingïakynduh na ka liang jong ka sorkar ki la pan jingmut kumno ban leh ïa kane ka kam na ka seng.
Kum ka seng ka la dep ban dawa na ka sorkar ba ka dei ban pynïaid ryntih ïa ki nonghikai la kumno kumno 50% na ki kam hikai kiba lait haduh ban da dep lut ïa ki nonghikai SSA, kitei ki ophisar ki la ong ban ithuh noh kum ki nonghikai sorkar kan nym lah ban long.
Haba ïadei bad ka jingdawa ban pynkiew ïa ka tulop na ka liang jong kitei ki ophisar ba dei peit ïa ka tnad pule la ong ba kila ong ba ka jingdawa ka long kaba dei namar la slem khlem pat kynkiew ïa ka tulop jong ki, hynrei halor ka jingong ban ithuh kum ki nongtrei sorkar kam kam long kaba shisha bad kam don kum katta.
