Shillong, Nailur 24: Ka ophis jong u District Sports Officer (DSO) West Jaiñtia Hills District, Jowai kan pynlong ïa ka Inter School Open Basketball Tournament – 2024, na ka bynta baroh ki skul hapoh West Jaiñtia Hills District kiba don hapoh ka kyrdan Higher Secondary na ka bynta ki khynnah shynrang bad kynthei.
La ïathuh ba ïa kane ka lympung ïalehkai Basketball ki khynnah skul ka Disrict yn pynlong ha madan Kiang Nangbah Stadium Dongmihsngi, Jowai.
Ha kaba ïadei bad kane ka ophis jong u DSO ka pyntip ruh ba ïa ka tarik ba khatduh ban ïashim bynta la pynjlan haduh ka 8 tarik u October, 2024 bad ka lympung kan long ha ka taïew kaba 3 jong u bnai October, 2024.
