Khliehriat, Nailur 24: Ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long ha kane ka sngi 24 tarik u Nailur ha madan Artificial Turf, Diengshynrum, Khliehriat.
Haba phai sha ka jingïakhun Quarter Final mynta ka sngi ka Sutnga Mission SSCC kala pynliem da 2-1 kol ïa ka Deinshalalu SC, ïa ki kol na ka Sutnga Mission SSCC la thep da u Greatstar Pajuh haka minit ba 31 bad u Welson Pala haka minit ba 54. Ïa ka shikol na ka Deinshalalu la thep da u Dimon Ksih haka minit ba 67.
Ha ka jingïakhun kaba ar Musniang SC kala pynliem da 3-1 kol ïa ka Lakadong Umlatdoh SCSC, ïa ki kol na ka Musniang SC la thep da u Michael Rymbai haka minit ba 10 & 16 bad u Rusimiki Rymbai ha ka minit ba 32. Katba ïa ka shikol na ka Lakadong Umlatdoh la thep da u Wanki Syad haka minit ba 76.
Lyngba kane ka jingjop jong ka Sutnga Mission SSCC bad ka Musniang SC kila ïoh ban rung sha ka jingïakhun Semi Final jong kane ka lympung.
