Ïa kynduh ka Platinum Jubilee Committee ka DSK, shwa ka jingpynkut ïa ka jingrakhe 75 snem

Jowai, Nailur 23 : Ka Platinum Jubilee Committee jong ka jingrakhe dap 75 snem ka Dorbar Shnong Khimusniang, Jowai ha kane ka sngi Saitjaiñ kala lum ïa ka jingïalang jong ki Committee bapher bapher ban pynkhreh ïa ka jingpynkut ïa kane ka jingrakhe ha ka 28 tarik u Nohprah, 2024.
Ha kane ka sngi ïa ka jingïalang la pynïaid da u Chairman ka Platinum Jubilee Celebration Committee ma J.M Pohsngap. U ma Pohsngap u la pdiang sngewbha ïa ki dkhot jong ki Committee bapher bapher kiba la treishitom ban pynkhreh ïa ki prokram bapher bapher shwa ban poi ka sngi pynkut ïa kane ka jingrakhe kaba phuh ba phieng.
Na ka liang u Secretary Platinum Jubilee Celebration Committee ma Eladmiki Suting ula pynsngew ia ki kam kiba la dep ban pynïaid bad ki kam ki ban sa pyndep shakhmat halor ka jingpynkhreh ïa kane ka jingrakhe dap 75 snem ka shnong da kaba pynpaw ruh baroh ki kam ki long kiba la ïaid shait shait shakhmat.
Ha kane ka sngi la ïoh ruh ban pynsngew ïa ki jingdonkam ban pyndep noh ha ka ban pynkhreh ïa ka kot sah jingkynmaw jong ka shnong (Souvenir), ïa kaba la pynkhreh da ka Souvenir Committee kaba la jan dep nadong shadong mynta.
Ha kane ka sngi la donlang naduh ki dkhot ka Executive Committee ka Shnong, ka Seng kynthei, Seng samla, ki dkhot ka Committee Platinum Jubilee kynthup ïa ki Sub Committee, ki Block ka shnong, ka Construction Committee bad kiwei de.
Hadien kane ka jingïalang la don ka jingiashon dur lang jong ki Committee bapher bapher na ka bynta ban pynsah jingkynmaw ïa kane ka jingrakhe Platinum Jubilee.