Jowai, Nailur 18 : Ka Balang Unitarian Jowai mynta ka sngi kala rakhe ïa ka sngi lyngkhuh snem ba 139 jong ka jingshakri ka Balang hapoh ka Ri Khasi Jaiñtia, ba la pynlong ha ïingmane jong ka Unitarian Jowai halor ka phang “Sha jingkhot lashai ai ngin shahshkor”.
La sdang ïa kane ka sngi haka por mynstep 8 baje shiteng da kaba pynher lama bad buh syntiew ïa u mot dur jong u Hajom Kissor Singh uba dei u Nongseng ïa kane ka Balang ha Jowai da ka Moderator ka Dorismum M. Ngap.
Hadien jong kane la pynlong ïaka jingïaseng haka por shiteng sngi 12 baje shiteng ba la wan ban ïashim bynta da ki paid riewngeit ka Balang Unitarian, Jowai la ïoh ka jingkyntu kynpham da Dr. Vicky Mannar bad ka jingrwai Choir na ka SSUCJ.
Katba ha ka por janmiet la pynhiar ïaka lama da ka Daioolang Pakma bud sa ka jingïaid Procession kylleng ka sor Jowai bala pynïaid da ka seng samla ha ryngkat ka jingrah ïa ka dongmusa bad la pynlong ïa ka jingïaseng.
