Shillong, Nailur 02: U Prof Henry Lamih Secretary jong ka kynhun ki MLA barim ha ka jylla Meghalaya mynta ka sngi u la phah ïa ka khubor sngewlem halor ka jingkhlad noh u MLA barim ka Mawsynram Konstitwensi u Bah D. Plaslanding Ïangjuh bad kum ka kynhun ka pynpaw ïa ka jingsngewsih halor kane ka jingduh noh ïa utei u nongïalam.
Ka kynhun ka pynpaw ruh ïa ka jingsngewsih kaba khraw halor jingkhlad noh u Myntri Rangbah barim ka jylla u Salseng C Marak, ka jingkhlad noh jong kine ki rangbah ka la long ka jingduh kaba khraw ïa ka jylla ha ka saiñ pyrthei.
La pynkynmaw ba kine ki arngut ki la kyntiew ïa ka jylla ha kiba bun liang ha ka roi ka san bad ki la ieh ruh ïa ki dienjat jong ki na ka bynta ki long dien ba kin bud, kane ka long ruh ka jingduh kaba khraw ïa ka kynhun jong ki MLA barim, bad halor kane ki la buh ki jingduwai ba kin ïoh ïa ka jingsuk bneng.
Na ka liang jong ka ophis jong ka Meghalaya Legislative Assembly Secretariat, ka pynpaw ruh ïa ka jingsngewsih halor ka jingkhlad noh jong ki ar ngut ki MLA kiba rim u Salseng C Marak Myntri Rangbah barim ka jylla bad u Bah DP Ïangjuh MLA barim, na ka liang ka ophis ka phah ïa kane ka khubor sngewlem sha ki bahaïing ha sem bad ai u nongbuh nongthaw un ai ka jingjahthait bym jukut ha bneng.
