Shen yn sdang tei ka Sorkar ïa ka Mini Secretariat ba 20 klur bad plie noh ïa ka MCH ha Jowai

Jowai, Jymmang 27: U MLA ka Jowai Consti-tuency ma Wailadmiki Shylla ha ka jingkren jong u ha ka sngi plie paidbah ïa ka ‘Renovation of Jowai Water Supply Scheme’ ha Urkhla Khimusniang Jowai ula pynsngew ba u don ka jingangnud ban pyndep noh ïa ka Iawmusiang naduh ka por ba ula jop Election ha ka snem 2018.
Kum u MLA ula wad ki lad ki lynti bad ka lah ban pynïoh ïa ka pisa kaba T.70 lak tam na ka bynta ban siew ïa ka ‘dues’ ka pisa ba dang sah jong u Contractor hynrei hadien bala dep siew ïa kane la sangeh noh ka jingpyn treikam da u Contractor haduh ba la hap ban ujor pyrshah ïa u Contractor da ka mukotduma.
U kyrmen skhem kumba ka sorkar lyngba ka tnad PHE kala jop mynta ka sngi ban pynpoi ïa ka umbam na ka wah Umngot kaba la sah teng la 19 snem kumta u don ka jingkyrmen skhem ba ïa ka Iawmusiang ruh un pyndep noh ïa ka na ka bynta kajingmyntoi jong ki paid bah nongshong shnong na kylleng ka Ri-Lum Jaiñtia.
“Kum u briew uba dang jop shisiem (term) un pyrshang biang ban wan ki lad ki lynti ha kine ki snem ban wan ban wanrah ïa ki skim bapher bapher hapoh ka Consti tuency lada u wan biang ha ka jingjop kum u MLA” ong u ma Wailad.
Ula ong ba ym kwah satia ban pynsngew tang ka ktien hynrei ‘ki kam ki kren kham jam’ ban sdang noh ïa ki project bapher bapher, kum u MLA ym kwah satia haba pyntrei ïa kano kano ka surok kaba neh tang sipor hynrei ha kane ka snem u thrang shisha ban pynshna ïa ki surok lyngba ka jingïarap ka World Bank da kaba leh jania ïa ki surok, khnang ban lait na ka jingduh thiah duh dem ha ki snem ban wan.
Ula pyntip ruh shi bynta ban khring ïa ki nongshangkai pyrthei yn wanrah ruh ïa ka skim ha pung Tnadlaskeiñ bad kumjuh ruh ula pyntip ba ladep mang pisa kumba 20 klur na ka bynta ka ‘Mini Secretariat’ ha Jowai bad ban plie noh ïa ka jaka sumar MCH ha Panaliar.
Nalor kitei ki jingeh kiba ka shnong Wapungskur bad u paidbah ki ïa kynduh ha ka jingiadei bad ka jinglong jingman ka surok, ka shnong Wapungskur, ka la dawa ruh na ki bor ba dei peit ïa ka tei ka surok ban shna ïa ki rumble strips ha ki artylli ki jaka ba donkam bha, kata ha ka lad ban leit sha Step By Step Secondary School Wapung bad ruh sha K.B Memorial Secondary School Wapung, na bynta ka jingbit jingbiang jong ki khynnah skul.
Ka shnong Wapungskur, ka la dawa ruh ba dei ban maramot pynbha ïa ki traffic lights kiba la shu pynieng sah kumto kiba khlem trei kam shuh mynta; ban shna pyndep ïa ki jaka iaid kjat bad ki guard wall na ka bynta ka jingshngaiñ ka iaid ka ieng jong u paidbah.
Ha kajuh ka por ka Dorbar Shnong ka dawa ruh na ka NHAI ba ka dei ban tuklar lem ïa kane ka jingeh kaba ki paidbah ki ïa kynduh ha kaba iadei bad ka jinglong jingman ka surok NH-6 kaba iaid lyngba naka shnong Wapungskur.
Kane ka long kat kum ka kyrwoh ba la pyllait da u Waheh Shnong Wapungskur, u bah Deolangki Dkhar.