Nongpoh, Lber 19: Uwei u Dribar Trok u la mynsaw jur na ka daw kaba u la leit hi ban tynrah ïa kawei ka Trok kaba dang ieng ha surokbah katba u dang kiew na Guwhati ban wan sha Shillong bad kane ka jingjia ka la jia noh hadien ba u la poi ha Nongpoh ha kaba khlem poi pyrkhat ula leit ban tynrah ïa katei ka trok kaba ieng haduh ba u la mynsaw jur.
Kane ka jingjia ka la jia ha ka por 10 baje ei ei janmiet ha ka surokbah National Highway-6 ba hap ha sor Nongpoh ha kaba katei ka trok kaba don ïa u number NL 01-G- 6729 ka dang ieng rud ka surok na ka jingsniew ka taiar, hynrei katei ka trok kaba wan nadien kaba don ïa u number ML 05-Z-9460 ka la tynrah nadien ba la wan rah ka jingmynsaw jur utei u dribar.
Une u Dribar uba la mynsaw la tip kyrteng kukm u Rajendra Das, ha ka rta kaba 28 snem na 8Mile Guwhati bad katei ka trok kaba ieng ha surok pat la niah da u Lamshwa Pakyntei ha ka rta kaba 44 snem.
Kumba la sakhi halor kane ka jingjia, katrei ka trok ba la niah da u Rajendra Das ka la leit ban tynrah nadien ka dei kaba la suba ba u la shoh samthiah bad ha ka jingleit tynrah ka bynta bahakhmat jong katei ka trok kana u la niah ka la dam syndah haduh ba u la sahkut noh hapoh katei ka trok.
Dei lyngba ka jingiap ki paidbah la lah ban sei noh ïa u napoh jong ka trok bad hadien kata ka la rah noh mar mar ïa u sha Civil Hospital Nongpoh kaba dei na jingmynsaw jur ka kjat kaba kdiah na ka jingdam syndoh ka trok hapoh katei ka trok kaba u niah hadien ba u la leit ban tynrah ïa katei kawei pat ka trok.
Na ka liang ki bor pulit ka Nongpoh ruh ki la wan mardor ha kane ka jaka ban pynlong ïa ka jingtohkit bad ruh ban ai jingïarap ïa utei u dribar ban pynpoi sha Civil Hospital Nongpoh ban ioh kloi ïa ka jingsumar kaba la ktah na ka jingmynsaw ha katei ka jingjia ïa tyngkhuh kali.
