Shillong, Lber, 4: Ka Synjuk ki Seng Samla Shnong (SSSS) Shillong City ka phaha ia u kyrwoh kitbok kitrwiang ia baroh ki khun samla ka Bri u Hynñiewtrep bad ha ka jylla hi baroh kawei kiba ialeh ia ki eksamin bapher bapher jong u snem 2024 naduh SSLC, HSSLC bad kiwei kiwei.
Ka Synjuk Ki Seng Samla Shnong lyngba u kyrwoh ba la phah da u Chairman u samla Pynshaibok Diengdoh ka ai mynsiem sha iwei pa iwei ki samla ba kin kiew shaphrang bad ban minot thop ban poi sha ka thong ha ka jingialeh ka jongki ha kane ka eksamin bad ban rah ruh ia ka nam ka jaitbynriew hi baroh kawei, kum ka jaitbynriew ngi donkam shisha ia ki samla trai ri trai muluk ban ioh hi ban Bat hi ia ki kyrdan ba kham ha jrong ha ki bynta kiba ba pher bapher.
U Khulom Ksiar u dei u Atair bad waitlam ba nep ban pruid dak ban im bad shngain ka jaitbynriew, kyntang iawai ka Synjuk ka phai khmat ban iohi ba ki khun Samla ka Jylla ba kin long ki Dongmusa ban tbeh jingshai ia lade bad ia ka pateng ka jaitbynriew baroh kawei. To u Blei Un kyrkhu kyrdoh ia ka jingiaid lynti ka jong phi nangne shakhmat, la ong u kyrwoh na ka SSSS…..
