Bteng biang ka JSM Wahiajer-Ummulong Area ban pynleit skul ïa 5 ngut ki khynnah khunswet
![](https://mawphor.com/wp-content/uploads/2022/05/mawphor-1-2.jpg)
Jowai, Rymphang 17: Ka Jaiñtia Students’ Movements (JSM) Wahiajer-Ummulong Area haka 17th February 2024 kala shim ka rai ban bteng biang ban ai jingkyrshan ïa ki 5 ngut ki khynnah khunswet naka bynta ban pynleit skul ïa ki.
Ha kane ka sngi ladon ka jingïalang ban ïakynduh bad ki nongri jong kine ki 5 ngut ki khynnah Khunswet kiba dei naka shnong Wahiajer-Ummulong. Na ka liang ka JSM kala shim biang ka Rai ban pynbiang ïa kine ki khynnah naduh ka bai skul, ki kot ki sla, Uniform bad kumjuh ruh ïaka bai Tuition jong ki ha u snem 2024.
Haka jingïalang ladon lang baroh ki dkhot JSM Wahiajer-Ummulong Area, ki nong sumar ïa kine ki khynnah bad ki katto katne ki longkmie na kane ka thaiñ, haka jingïalang la ïoh ka jingkren na u President JSM Wahiajer-Ummulong Area Samla H. Supuh, ula ai ka jingsneng ban kyntu ha kaba ïadei bad ka pule puthi jong ki bad ula ong shuh shuh naka pule puthi kadei ka ïitkhmih kaba lah ban ai ïaka jingshai naka bynta ka lawei hakine ki juk ba mynta, ula ong ba ka akor burom ka stad ka tip kadei ki budlum ba hakmat naka bynta uwei pakawei haka jinglong briew.
Ïa kine ki khynnah kiba ka seng kala ai jingkyrshan ban pynleit skul kidei ki khunswet kiba wan naka longïing baduk ba rangli kiba long kumne Ka Anamika Lamin, Class-X (Achiever Secondary School Ummulong), u Karian Suting, Class-V (Little Flower Higher Secondary School Ummulong), u Levenson Muktieh, Class-IV (Little Flower Higher Secondary School Ummulong), ka Raikini Dhar, Class-III (Achiever Secondary School Ummulong) bad u Lamiki Muruh, Class-II (Lummuriap School Ummulong).