Haduh 53ngut poi ki nongshim bynta ha ka ïakob siat pistol
![](https://mawphor.com/wp-content/uploads/2022/05/Sports-2-750x430.jpg)
Shillong, K’Lyngkot 16 : Ki la don haduh 53 ngut ki nongshim bynta na ki 12 tylli ki distrik kiba aireng ha ka jingïakob ïasiat pistol ha kane ka lympung Meghalaya Games 2024 kaba long ha 2nd Battalion, Goeragre Tura ha kane ka sngi Ba-ar.
Kane ka lympung ïalehkai ka kynthup ïa ki 13 tylli ki thup, kata naduh ka Short Range: 10 meter Air Rifle (ïakhun marwei marwei ha ka liang ki kynthei bad shynrang), 10 meter Air Pistol (Men and Women Individual).
Ha ka Long Range category, kane ka kynthup ïa ka jingïakob hapdeng ki shynrang ha ka 25metre Standard Pistol, nangta ka 25 meter Sports Pistol (kynthei), 50 meter Men Pistol, 50 meter Rifle Prone, 50 meters Open Sight (ailad ïa baroh), bad 10 meter Mixed Team.
Kiba wan ha ka kyrdan kaba nyngkong bad kaba ar kin ïa khun pat ban ïa knieh ïa ka tar ba ksiare bapd takma rua katba kiba wan balai bad ba saw kin ïa knieh ïa ka takma rnong.
Ka jingïakob ha katei ka jait jingïalehkai ka sdang naduh hynne ka sngi baar.