Pynlong awareness prokram ka Kyrmen Foundation halor ka jingai snam ei da ka mon sngewbha
![](https://mawphor.com/wp-content/uploads/2023/12/IMG-20231202-WA0013-Copy.jpg)
Khliehriat nohprah 03: Ka Kyrmen Foundation Centre kaba don ha Ladrymbai, ha ryngkat ka jingiatreilang bad ka Seiñ Khynroo Khyllud Katholik Good Shepherd Parish Ladrymbai, hynnin ka sngi ka la pynlong ïa ka prokram ai jingpynshai lane ka awareness prokram ha kaba u Dr Hughbert Dkhar u la ai ki jingpynshai sha ki paidbah, ïa kane ka prokram la pynlong ha shnong Ïongkaluh.
Ha kane ka prokram la pynshai bad batai shai shaphang ka jingai sngewbha ïa ka snam bad ong ba kane kam long kaba sniew lane kane kam pynsiew eiei ïa ka met jong u briew, hynrei ka iarap ïa ka met u briew ban ioh shuh shuh ka jingkoit jingkhiah.
Kiba la ïa don ryngkat ha katei ka prokram ki kynthup u Incharge Blood Centre, Nazareth Hospital Shillong, uba la wan na ka liang ka Directorate of Health Head Quarter Shillong, u Dr. P. Shylla, uba dei u Senior officer incharge Civil Blood Bank, Jowai, ka Assistant Director, Voluntary Blood Donation Meghalaya Solids Control Society,ka Assistant Director, Voluntary Blood Donation Meghalaya Solids Control Society,ka kong Lugracial Shullai, u (Cluster Programme Manager) , MACS khliehriat, u bah Sandy Tariang, ki dkhot jong ka Kyrmen Foundation bad ki dkhot jong ka Sein Khynroo Khyllud Katholik Good Shepherd Parish Ladrymbai.