Tura, Rymphang 14 : Ka Chibinang ka dei kawei ka shnong kaba la paw bad kiew bha ha ki liang baroh, Ki jaidbynriew kiba pher bapher ki im bad sah ha kane ka thaiñ. Ka la long kum ka sor rit ïa ki shnong ba marjan namar ka dei ka jaka ba ki ïawan ban ïadie ïa pet naduh ki mar rep, ki kwai, tympew hynrei kaba sngew sangsot pat ka long ba tang shu la poi ka lyiur ka surok ha kane ka thain ka la kylla kum ka lyngkha namar la dap da ka ktieh suda ba ym shym siang rong ïa ka surok da ki snem lynter mynta.
Ka jingsniew jong kane ka surok ha Chibinang ka la long shaba palat pud ha kaba ym don kyntien shuh tang ban batai ruh. Namar lada bet kba ruh long beit bad sa ot ha ka por ba ih u kpa. Halor kane ka jingsniew ka surok la kynnoh ba ka dei ka jingleh klet bad ïehbeiñ jongu MLA u SG Esmatur Mominin.
Na ka liang ka GSU Regional Chibinang Unit ka kyntu bad ïawer ïa kiwei ki MLA ban wan peit da la ki jong ki khmat halor ka jinglong jingman kane ka surok ha kaba ki kali ruh kim lait shuh ban ïaid ha ka por lyiur. Ki paidbah ki khmih lynti ba u MLA un leh ei ei hynrei mynta la kut sa ka samoi san snem ruh u khlem leh ei ei satia. Na ka liang ki paid nongshong shnong bad ka GSU Chibinang Unit ka pynrem jur ïa kane ka jingleh khun nah jongka sorkar ïaki paid ka thaiñ Chibinang bad ki dawa ruh ba ka sorkar ka dei ban pynbha kloi noh ïa kane ka surok na ka bynta ka jingmyntoi jongki paidbah hi jong ka thaiñ Chibinang.
