Tura, Jymmang 12 : U Deputy Commissioner (DC) ka West Garo Hills u Ram Singh ula bthah ïa u SP ba un tohkit bniah halor ka jingkhaïi beaiñ ïa ki masi lyngba ka West Garo Hills District.
Dang ha ka 4 tarik Iaiong u President ka Garo Hills Youth Organisation u Nazmul Hashan ula ai jingthoh sha u DC halor kane ka jingjur ka khaïi beaiñ ïaki masi na kane ka district.Halor kane u DC u la bthah ïa u SP ban thung noh da ka jingtohkit.
Ka jingkhaïi beaiñ ïa ki masi da kaba kit khlem da bud ïa ki kyndon aiñ naduh Tikrikilla shaduh Hallidayganj (Panbari) bad kine ki masi ki dei kiba wan na Assam. Kine ki ïaid lait wat ia ki khyrdop lum khajna kaba la buh ha Tikrikilla Nidanpur, Chibinang, Phulbari, Koylaghat,Gudibala, Rajpur, New Bhaitbari Hallidayganj bad hakiwei kiwei ki jaka ruh. Kumta ka jingkylli ka long kumno ki ïoh ban ïaid lait haduh katne tylli ki khyrdop lada kam dei ka jingïadon kti lang jong no re jongno.
