Nongpoh, Jymmang 10: Kawei ka Bolero Pick-up ka la jurlor phum na ki bynta ki ba hakhmat jong katei ka Kali, kaba dei hadien ba u Dribar u la leit hi ban tynrah ïa kawei ka Trok kaba dang ieng harud ka surokbah NH-6 ha Ri Bhoi District.
Kane ka jingjia ka la jia mynta ka sngi ha ka por kumba 1 baje ei ei mynsngi, ha kaba la ong ba katei ka Bolero Pick Up ka dang wan na ki thain Byrnihat ban kiew sha Shillong, hynrei hadien ba la poi ha Umdihar da ka jingpynher sted u dribar u la kum leit tynrah ïa katei ka Trok kaba ieng harud ka surokbah ba u Dirbar u la mynsaw bad kumjuh ruh katei ka Bolero ka la julor na ki bynta ba hakhmat jongka.
Kane ka Bolero Pick-up ka don ïa u Number ML 12 – 1202 bad katei ka Trok pat ka don ïa u number RJ – 23 – GB – 8292. Ha kane ka jingjia, katei ka Bolero Pick-up nalor ba ka la julor na ki bynta ba hakhmat bad u Dirbar ruh u la mynsaw jur, ha kaba la rah noh ïa u mar mar sha Civil Hospital Nongpo ban ioh ka jingsumar. Ki Pulit ka Ri Bhoi ki dang tohkit bniah halor kane ka jingjia khnang ban ioh leh katkum ki kyndon jong ka aiñ.
