Jowai, Nailur 29: Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka sngi Thohdieng ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final ba nyngkong hapdeng ka Mukhla FC pyrshah ïa ka CSA United, ka Mukhla FC khylliap ïa ka jingïakhun da kaba thep 2 kol ban long ka kynhun kaba nyngkong ban ïohrung sha ka final.
ïa kitei ki kol na ka Mukhla la thep da u Teddy Bang haka minit ba 64 bad u Wadajied Ryngkhlem haka minit ba 90+1.
Lyngba kane ka jingjop jong ka Mukhla FC kala ïoh ban rung syndon sha ka phainal jong kane ka lympung mynta u snem.
La pyntip ba ka jingïakhun Semi Final ba ar kan long mynta ka sngi, ka 30 tarik u Nailur ha kaba ka Rymbai Shken Shynriah kan aireng pyrshah ïa ka Salaroh FC ha ka por 2 baje nohphai sngi.
