Shillong, Nailar 30 : Hadien ba ka Deputy Commissioner (DC) jongka East Khasi Hills I Kong Rosetta Mary Kurbah, IAS i la ïoh jingtip ba ki lah ban don ki seng ki ban pynlong ïa ki jingïaïaid paidbah ne shong kyllaiñ myngngor ha ki jaka bapher bapher ka nongbah kaba lah ban pynthut ïa ka ïaid ka ïeng , ka leit ka wan bad pynkhapngiah ïa ki surok bad kiba lah ruh ban lam sha kino kino ki jingkulmar kumta mynta ka sngi ka 30 tarik Nailar 2023 i la pynbna ban pynjari noh da ka kyndon 144 CrPC ha ki ki jaka 200 meter sawdong ka Secretariat, Raj Bhavan bad Assembly bad kane ka kyndon kan treikam haduh ban da pynbna da kumwei pat.
La khang ïa kino kino ki briew ban ïalum ne ïa ïaid paidbah 200 metre ka Secretariat, Raj Bhavan bad Assembly. Ym shah ban rah ruh kino kino ki tiar pynmynsaw.Kino kino kiba pynkheiñ kin ngat ha ka kyndon aiñ 188 CrPC.
