Shillong, Naitung 31: Ka tnat ba dei khmih ïa ki kam ïalehkai (Sports Department) jong ka North-Eastern Hill University (NEHU) ka la shim ïa ka rai ban pynlong ïa ka NEHU Inter College Football Tournament jong ki shynrang mynta u bnai, Nailar.
Kane ka Tournament ka dei na ka bynta ki samla pule jong katei ka Skulbah bad ruh na ka bynta kiwei pat ki khynnah pule na ki College bapher bapher.
Na ka liang jong ki nongpynïaid ki la pynkhreh ban sdang ïa kane ka Tournament naduh ka 21 tarik bad yn khylliap pyda ïa ka ha ka 31 tarik Nailar.
Katba ïa ka madan ban ïalehkai yn pynlong ha Sports Authority of India (SAI) Football Ground, NEHU Permanent Campus, Shillong.
Shuh shuh, ki kynhun lane ki College kiba kwah ban ïashim bynta ha kane ka Tournament ki lah ban phah jingtip sha ka tnat ba dei khmih ïa ka kam lehkai (Sports Department) jong ka NEHU ha lane shuwa ka 14 tarik Nailar, 2023. Kane ka long katkum ka kyrwoh na ka Sports Department jong ka North-Eastern Hill University ha kaba ïadei bad kane ka tournament ba kan sa pynlong mynta u bnai.
