Jowai, Naitung 31: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long hynne ka Lah Sngi U Blei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Lumchyrmnag Mihmyntdu kala khur ïa ka namjop hadien ba ka la pynliem da 3-1 kol ïa ka Loompyrdi Iongpiah 3-1, ïa ki kol na ka Lumchyrmnag Mihmyntdu la thep da u Sooki Chyrmang haka minit ba 24, u Ohi Dkhar haka minit ba 52 bad u Wanphi Chyrmang haka minit ba 59. Na ka liang ka Loompyrdi Iongpiah la thep da u Salan Passah haka minit ba 31.
Katba ha ka jingïakhun kaba ar ka kynhun ïalehkai jong ka Iooksi Youth Welfare kala pynliem da 2-0 kol ïa ka Lumsliarsliar, ïa ki kol na Iooksi YW la thep da u Pyrshang Tangliang haka minit ba 44 bad u Ngaitni Syngkon haka minit ba 58.
Ka jingïakhun lashai ka sngi 1 tarik Nailar kan long hapdeng ka Risingsun Mukhla pyrshah ïa ka Saindur Mihmyntdu ha ka por 10 shiteng mynstep, katba ka Catholic Youth Mihmyntdu kan ïakhun pyrshah ïa ka Pammanik haka por 12 baje shiteng sngi.
