Jowai, Risaw 08: Ki resol jong ki jingïalehkai phutbol “Super Division” bad ka First Division League 2026 bala pynïaid daka East Jaiñtia Hills District Football Association (EJHDFA), kiba la long hynne ka sngi Palei, ka 08 tarik Risaw ha Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” hapdeng ka kynhun ïalehkai jong ka Chiehruphi SYWSC pyrshah ïaka Byndihati CSC, ka jingïakhun ka la poi sha ka jingïakhaid naba baroh arliang kim shym la lah ban pynkhihjar.
Katba ka jingïakhun jong ka Thomas Nongtdu Memorial Trophy haka kyrdan 1st Division League 2026, la sakhi ïa ka Ladrymbai Dongwah SWSC kaba la pynliem da 4-2 kol ïaka Lakadong Umlatdoh SCSC.
U Deepson Tokbi u la long u namtam na ka bynta ka Ladrymbai Dongwah SWSC ha kane ka jingïakhun, da kaba thep hat trick (12, 45+2 & 77), katba kawei pat ka kol la thep da u Aerial Najiar (59’).
Ki ar kol na ka Lakadong Umlatdoh SCSC la thep da u Phrangsngi Pakem haka minit ba 53 bad u Wanki Amkhloo haka minit ba 74.
