Nongstoiñ, Naitung, 26: Kawei ka dukan kaba die ïa ki tiar kiba kum ki Wait, ki Mohkhiew, ki Khwai bad kiwei kiwei bad kaba don ha khlieh ïew Nongstoiñ, ka la shah prong ha ki nongtuh kiba ym shym la tip ki dei mano haduh mynta bad la ong ba ki la ïoh ban rah da ki phew tylli ki siej khwai kiba rem dor.
Katei ka dukan ka dei jong u bah Basil Kharbani u ba shong ba sah ha Lad Tiehsaw Nongstoiñ. Katkum ka jingïathuh jong utei u rangbah u ba dei trai jong katei ka dukan, u la ong ba la suba ba ki nongtuh ha ka miet sngi hat majai ki la wanrah da ki tyrnem kiba heh bad ki shniah, ha kaba ki la pong ïa ka kynroh kaba la tei da ka Dewbilat ban ïoh rung shapoh bad ki la kit ïa bun bah ki tiar kiba la kot kumba 2 lak tyngka ei ei.
Haba bynrap utei u rangbah u la ong shuh shuh ba kum kane ka jingjia ka la jia teng kham mynshuwa ruh bad ka la long ka sien kaba ar kaba u la mad ïa kum kane ka jingduhnong.
