Nongstoiñ, Ïaïong 29: Ka shnong Myrïaw ka dei ka shnong kaba donbok tam haba phai ha ka liang ka koit ka khiah, namar ka la don lypa ka Primary Health Centre jong ka sorkar kaba ki Doctor bad ki nongtrei ki la biang. Nangta ha ki snem ba la dep ka la ïoh sa ïa kawei ka jaka sumar kaba la la tip kum ka Rural Health Centre kaba la pynïaid da ka Dr H. Gordon Robert Hospital Jaïaw kaba la treikam la ar snem tam.
Hynrei, katei ka jaka sumar kam pat don la ka jong ka jaka hynrei dang treikam ha ka ïing kaba la shah sngewbha da kawei na ki nongshong shnong. Kaba sngew tynnad pat ka long ba ha ka lah sngi u Blei kata ha ka 2 tarik Jymmang 2022, u Dr W.R.Kharlukhi M.P. ka Rajya Sabha na ka Shillong Seat, un wan ban plie ïa u maw nongrim na ka bynta ban tei noh da ka jaka sumar la ka jong, ha ka jaka kaba la ai sngewbha da ka shnong Myrïaw.
