Mairang, Nailur 01: Na ka bynta ban pyntrei kam ïa ka skhim kaba la tip kum ka Chief Minister’s Youth Develoment Scheme 2026 ka kong Anita Kharpor IAS Deputy Commissioner ka Eastern West Khasi hills district ka la pyntip ba ïa katei ka skhim la sdang ban pyntrei kam hapoh ka district naduh kine ki sngi ba la dep. Ka la pyntip ruh ba ïa katei ka skhim la ai jingïarap na ka bynta ki Volunteer Agency, ki sengtrei monsngewbha na ka bynta ba kin pynlong ïa ki tamasa na ka bynta ki samla ha ka District Level, ki workshop, seminar na ka bynta ki samla, ka jingpynlong ïa ki Industry specific exposure trips, Youth career counselling fair, Community Generation volunteering programme, workshop bad seminar na ka bynta ka financial literacy, workshop bad programme halor ka digital literacy bad ka jingpynlong ïa ki programme kiba ïadei bad ki kam sport na ka bynta kito kiba la pynïasoh bad ka Sport Authority of India kaba la tip kum ka Fit India.
La pyntip ruh ba kino kino kiba kwah ban aplai ki hap ban pyndap ha ki phom kiba la pynkhreh bad lah ban ïoh ïa kitei ki phom na ophis jong ka Deputy Commissioner ha ki sngi longtrei bad ka tarik ba khatduh ban pynpoi ïa ki phom kan long ha ka 15 tarik Nailur 2026 bad ki jingtip ba khambniah lah ban leit sha katei ka ophis.
