Shillong, Ïaïong 29: Ka Nongkrem SC kala khur jingjop ha ka lympung ïalehkai Women Football League 2021-22 ba pynïaid da ka Shillong Sports Association (SSA) da kaba pynliem da 1-0 pyrshah ïa ka Nongthymmai SC ha ka jingïakhun kaba ar ha ka sngi Thohdieng ha madan MFA, Polo, Shillong.
Katba ka Mawlai SC bad ka Laitkor SC kila ïasam mar shi point hadien ba kila ïakhaid khlem da don ba lah ban ïathep kol ha ka jingïalehkai kaba nyngkong.
Haba phai sha ka jingïakhun hapdeng ka Nongkrem SC bad Nongthymmai SC ka jingïakhun ka long kaba itynnad bad ïakhaid bha ha baroh arliang ha kaba kila ïoh bun ki kabu bad pynlehnoh ei ïa ka jingthep kol.
Dei ha ka minit ba 40 ka Naisha Nongrum kala thep ïa ka shi kol na bynta ka Nongkrem SC bad haduh kaba kut ka kynhun ka khur syndon ïa ka nam jop.
Ka jingïalehkai mynta ka sngi Saitjaiñ ha ka jingïakhun ba nyngkong kan long hapdeng ka Lawei SC pyrshah ïa ka Maw-U-tieng SC, katba ka Rahjingshai SC pyrshah ïa ka Thynroit SC ha ka jingïakhun kaba ar.
