Jowai, Ïaïong 28: Ka ophis jong ka District Legal Service Authority mynta ka sngi ka la sdang ban pynlong ïaka prokram ai jinghikai ba ar sngi ïaki Para Legal Volunteers ka District kaba la long ha Conference Room jong ka ophis u Superintendent of Police ka West Jaiñtia Hills.
Ka jinthmu jong kane ka prokram ai jinghikai ka long shi bynta ban ai jingtip khambniah ïa ki Para Legal Volunteers ka District shaphang ki kyndon ‘ban tip ïa ka aiñ, ka rukom shna aiñ bad ka jingmyntoi ha ka imlang sahlang’.
Ka kong B. Khriam, MJHS, District Session Judge cum Chairperson District Legal Service Authority, Jowai mynta ka sngi haba ai jingkren sha ki ‘Para Legal Volunteers’ kala kyntu ba ki dei ban pyndep hok ïa ka kamram, ban don ka jingkitkhlieh bad ban bteng ïa ka kam ha ka lynti kaba dei.
Na ka liang u B. Lyngdoh, Legal Aid Counsel, u S. Chang san, Additional PP kila pynsngew sha ki ‘Para Legal Volunteers’ halor ka Fundamental Rights, ka kamram jong ki bad ka jingkitkhlieh kum ki nongshong shnong hapoh ka imlang ka sahlang. Shuh shuh kila batai ruh shaphang shaphang ka Basic Criminal Laws, ki aiñ kiba ïadei bad ki kynthei, ki khynnah.
Kiwei de kiba la wan ban ïadonlang ha kane ka sngi ki kynthup ïa u BDO ka Laskeiñ Block, BDO ka ka Thadlaskeiñ Block bad kiwei kiwei.
