Nongpoh, Ïaiong 26: Ka United Democratic Party (UDP) shi bynta ban pynkhlain ïa ka party bad ruh kum ka jingpynkhreh na ka bynta ka election 2023 ha ka jylla, ka la lah ban jied noh ïa ki nongïalam ba pura ka UDP Nongpoh Constituency bad ba la tip ruh kum ka Nongpoh Circle na ka bynta ka samoi treikam jong u snem 2022 haduh u snem 2025 ha ka jingïalang kaba la long ha ka 14 tarik u Ïaiong 2022 ha Nongpoh.
Ki nongïalam ba thymmai ka UDP ha Nongpoh Constituency ki kynthup ïa u Bah B.S Teron bad u Bah Opel Lyngdoh kum ki chief adviser, Adviser, Bah Jang Makri, Bah P. Mangu, Bah Donroy Kharkongngor, President, Andreas Syngkli, Vice president, Bah J. Maring, senior vice president, Sency Lyngdoh, Bul Lyngdoh, working president, Balajied Rani, Vanjune Makri, General Secfertary, Sevington Makri, Joint Secretary Isaia Syngkli, Treaurer, Lando Ingti, Finance Secretary, Wanphrang Sumer, Chief organizing Secretary, Laforius Marngar, Organizing Secretary, Donbun Tangsong, bad kynthup kiwei kiwei ki nongïalam bad ki dkhot ka executive committee.
Ha kawei pat ka bynta ka UDP Ri Bhoi District mynta ka sngi ka la plie paidbah ruh ïa ka ophis treikam ka party ha Nongpoh Downgate, kaba dei ka ophis treikam na ka bynta ban saindur bad ban dang pynkhlain ïa ka party khamtam kum ka jingpynkhreh ïa ka election 2023 ban sa wan ha ka jylla.
Ïa kane ka ophis la plie paidbah da u Bah Donbok Khymdeit, President ka UDP Ri Bhoi District ha ryngkat ka jingdon lang kiwei ki nongïalam ka party ba kynthup ïa u Bah Donkupar Sumer, u Bah Balajied Rani, u Bah Bat-hok Nongmalieh, u Bah Michael Kharhunai bad kynthup kiwei kiwei ki noingïalam ka party UDP na Nongpoh bad na ka District Ri Bhoi.
