Haduh 10 pyrton ki bor pahara pan ka sorkar ban khynra kit dewiong beaiñ

Shillong, Ïaiong 17 : U Myntri Rangbah ka jylla, Conrad K Sangma ha ka sngi Nyngkong u la pyntip ba u la dep ban thoh sha ka sorkar pdeng ban phah 10 pyrton ki bor pahara jong ka sorkar pdeng ne ki Central Armed Police Force na ka bynta ban khynra ïa ka jingkhaïi dewiong ha ka jylla.
“Nga la dep thoh sha ka sorkar India bad ka shong mynta ha ka sorkar pdeng ban leh ïa kaba donkam,” u la ong haba jubab halor ka jingbthah jong ka Kashari na ka bynta ban wanrah noh da ki CAPF.
Ha ka hukum (order) kaba la pynmih da ka full bench ba khlieh da u Chief Justice Sanjib Banerjee, ka IingKashari ka la ong baka tnad Kampohiing ka Ri lyngba u Secretary katei ka tnad ban pyntikna ban phah haduh 10 pyrton ki Central Armed Police Force kiban wan ban trei laitluid lane ryngkat bad ki ophisar na ka tnad pulit ka jylla kaba yn thung da ka Iing Kashari kaban peitngor halor ka jingkhaii beaiñ ïa u dewiong ha ka jylla.