Shillong, Nohprah, 09: Ka Federation of Khasi Jaiñtia and Garo Peoples (FKJGP)-Mawprem Circle ka la dawa ïa ka tnad PWD (Roads) ba siang rong noh ïa ka surok ha shilynter jong ka shnong Mawprem, kaba la jot na ka jingthep ïa ki pipe um jong ka tnad PHE.
Ka Seng ha ka jingïalam jong u President Bah Reginald Thabah, ka la buh ïa kane ka jingdawa hakhmat u Executive Engineer ka PWD (Roads) u Bah Kharmyndai ha ka ïakynduh bad u ha ka Sngi Thohdieng.
Ka Seng ka la dawa ïa ka tnad PWD ban shna bad ban siang rong noh ïa ka surok naduh ka khyrdop jong ka KHADC, Lower Mawprem bad Lumkshaid namar ka jingiehshrah hadien ba la tih ban thep ïa ki pipe um jong ka tnat PHE kaba la ktah shikatdei eh ïa ka leit ka wan bad ka rah ka rong jong ki paidbah bad kumjuh ruh ïa ki nongshong shnong namar ka jingpumpum kaba la i shyrkhei.
