Shillong, Nohprah : Kum shi bynta ban pynkhlaiñ shuh shuh ïa ka seng BJP hapoh ka North Shillong Constituency u Bah L Michael Kharsyntiew uba dei ruh u kyrtong ba dang pan tiket na ka BJP u la leit ban pynlong ïa ka prokram pynrung dkhot hapoh Khyndailad ha ka sngi Palei ba la lah.
Ha kane ka jingleit pynrung dkhot ne Enrolment Drive ïa kiba bun ki nongshong shnong katei ka thaiñ bad kumjuh ruh kiba dang hap hapoh ka North Shillong Constituency la ïohi ba bun bha kiba don vote hapoh kane ka Constituency kiba la leit ban ai kyrteng.
Ban pynlong ïa ka prokram kaba jop bad seisoh ïa u Bah Kharsyntiew la synran lang da ka Kong Judy Surong -State Mahila President, ka Kong Eunescy Khyriem -State Mahila Vice President, ka Kong Darihun Marbaniang -State Mahila Vice President, u Dayanadkumar Singh -State Executive Member, ka Arundithi Paul -State Secretary & Mahila Incharge, ka Kong Sumie Laloo -National Executive Member, ka Gita Sarin -Mahila State Secretary, ka Kong Priya Blah -Shillong City Mahila President, u Bah Dapkupar Nongrum – General Secretary Youth EKH district, u Shri Prosenjit Mandal – State Executive Member bad ka Kong Anu Rynjah – State Executive Member Mahila.
Ha kane ka prokram na ka liang u kyrtong bad kitei ki heh ka BJP ki la pynshlur ïa ki nongthep vote ba kim dei ban pynleh nohei ïa ka vote jong ki da kaba kyrpad ba ha kane ka kynti kaba mynta ba kin ailad noh ïa ka BJP ban synshar ha ka jylla bad khamtam eh ba kin ai jingjop ïa u kyrtong ka BJP uba ka party kan sa pynbna shen.
