Shillong, Nohprah : Ka Kur Jyrwa Nongsiej ha ka Executive Committee kaba la long ha ka 23 tarik u Naiwieng 2022, ka la ïakut ban pynlong ka jingsam khusnam sha ki samla ka Kur kiba pass bha ha ka SSLC bad HSSLC (Arts, Science bad Commerce), kata kiba poi ha ka Top 20 na ka bynta u snem 2019, 2020, 2021 bad 2022. ïa katei ka khusnam yn sam ha ka jingïalang paidbah ne General Meeting jong ka Kur ka ban long ha ka 7 tarik u Kyllalyngkot 2023 ha Madan Malki, Shillong.Kumta na ka liang ka Kur ka kyrpad ïa ki par Kur kiba pass bha ha ka eksamin jong ki, kiba ïoh katkum kitei ki jingkdew haneng ba kin pynpoi ïa ki Xerox copy jong ki marksheet sha i Rev. L.D. Nongsiej, General Secretary jong ka Kur Jyrwa Nongsiej ha lane shwa u bnai Nohprah mynta lane da kaba ki lah ruh ban shu phah lyngba ka whatsapp ha une u phone no. 9366970687.Kane ka long katkum u kyrwoh lyngba u Genl Secretary ka Seng Kur Jyrwa Nongsiej, Central Body.
