Shillong, Nohprah 08 (PIB): U Myntri Sorkar Pdeng ba dei khmih ïa ka tnat Development of North Eastern Region, u G. Kishan Reddy haba jubab da ka jingthoh ha ka ïingdorbar Rajya Sabha mynta ka sngi, u la ong ba ha jylla Meghalaya, 481 tylli ki jaka sah briew ki dei kiba la pyniasoh na ki 602 tylli ki jaka sah briew kiba la mang na ka bynta ka jingpynïasoh hapoh ka PMGSY.
Shuh shuh ka tnat Border Management, jong ka tnat kam pohiing ka la shim 992 tylli ki projek ha ka thaiñ shatei lammihngi, kaba kynthup ïa ka Meghalaya hapoh ka kam “Road & Bridges”, naduh u snem 2014-15.
Ka Ministry of DoNER ka kyrshan ïa ki jingpyrshang jong ka Sorkar Jylla bad ïa ki tnat Sorkar Pdeng kiba don kti ha kane ka kam ban wanrah ïa ka jingïasoh ha ka thain shatei lammihngi kaba kynthup ïa ka jingshna ia ki surok sha ki jaka kyndong kynshrot kaba iarap ban plie ïa ki lad na ka bynta ki riewlum kiba sah ha ki shnong kiba rit bad kiba shem jingeh ban poi.
Ki surok baroh ba la mang hapoh ki Skhim ba kongsan jong ka MDoNER kiba long ka – North East Road Sector Development Scheme (NERSDS) bad North East Special Infrastructure Development Scheme (NESIDS) ki la pyntreikam hi lane lyngba ka North Eastern Council (NEC), haduh 169.51 km ha kine ki lai snem ba la dep ha ka jylla Meghalaya
U Myntri u la ong ruh ba ka tnat Rural Development ka la sdang ïa ka Pradhan Mantri Gram Sadak Yojana (PMGSY) kum ka sienjam ba kyrpang kaba shisien ban wanrah ia ka jingiasoh lyngba ki surok ha ki jaka nongkyndong, lyngba kawei ka surok kaba lah ban pyndonkam baroh shi snem, sha kito ki jaka sah briew ki bym lait kali kiba don ka jingdon briew (250 & kaba kham bun ia kane, bad ha kaba iadei bad ka thain shatei lammihngi katkum ka khana samari 2001) ban kyntiew ia ka ioh ka kot bad ka imlang sahlang jong ki briew kiba sah ha ki jaka nongkyndong. Ia ka kam jong ka PMGSY la pyniar ban kynthup ia ki sienjam ba thymmai. Ia ka PMGSY-II la sdang ha u snem 2013, da ka jingthmu ban kyntiew kyrdan ia 50,000 Km ki surok ba la don lypa ha ki jaka nongkyndong. Ia ka PMGSY-III la sdang ha u snem 2019 ban wanrah sa 1,25,000 Km lyngba ki lynti bad ki jaka pyniasoh hapdeng ki jaka shong briew, kaba mut ki iew mar rep Gramin, ki skul Higher Secondary bad ki Hospital.
