Shillong, Nohprah : U Joint Director of Health Services (SS), Civil Hospital, Shillong, da kane u pyntip ba ym pat shym la don ba wan kam ïa ka metïap jong uwei u nongpang uba la khlad noh uba la don kumba 40 snem rta bad ïa uba ym shym la tip kyrteng, jait ne niam, bad ba la shu ai C/o PAB Civil Hospital Shillong. Une u briew ula wan shah sumar hapoh kane ka hospital ha ka 25.11.2022 bad ula khlad noh ha ka 02.12.2022 ha ka por 4:10 mynstep.
Kumta la kyntu ïa kiba haïing hasem bad kiwei pat kiba don jingïadei bad une u briew ba kin wan shimti noh mardor ïa kane ka met kaba don mynta hapoh ka jaka buh metïap jong ka hospital hapoh ka laisngi naduh ba la pynmih ïa kane ka jingpyntip paidbah hashwa ban aiti noh ïa ka metïap sha ka Shillong Municipal Board ba kan leh ïa kaba donkam.
