Ka jingpynshai halor ka jingïakhun ka MSCMM ha kaba ïadei bad ka jingshah khanglad ban khaii ia u mawshun shabar ri

Khliehriat nohprah 01: Ki dkhot jong ka Meghalaya Steering Committee Minor Mineral (MSCMM), kiba la pynkhamti ban ïakhun pyrshah ïa ka jingshah khanglad ban khaïï ïa u mawshun shabar ri, kaba long katkum ka hukum jong ka ïingbishar ba donburom, jong ka Meghalaya High Court, kaba la pyn mih ha haka 24th naiwieng 2022, katei ka Committee ka pynshai ba ka Committee hi ka la pyndep ïa ki kam baroh ha kaba ïakynduh bad ki ‘iew said aiñ ba pawkhmat jong ka Supreme Cout badon burom ha ka nongbah Delhi mynta ar-sngi, kata ha ka 29th bad ka 30tarik u naiwieng 2022.
La ong ruh ba ha kaba ïadei bad ki kot ki sla baroh ban pyntip ne file ïa kane ka kam sha Supreme Court badon burom pyrshah iia katei ka jingkhang ïa ka challan kha-ïï mawshun kaba long katkum ka hukum jong ka ïingbishar jong ka Meghalaya High Cour, ka Committee ka la dep pynbit pynbiang bad la soi da u Chairman jong ka Meghalaya Steering Committee (Minor Mineral) Mining Lease License Holder, u bah Jropsingh Nongkhlaw ryngkat ki dkhot jong ka Committee.
“Kum ban shu pynkynmaw kane ka jing jia (case) ka la mih na ka jing unjor (file case) jong uwei u briew uba kyrteng u Lawyerson War, una la ujor lyngba ka PIL No. 18/2019 with MC (PIL) No. 5/2022 bad ka jingtohkit ia ka ejahar ka dang ïaid bad ha ka 7 tarik u nailur 2022, ka Meghalaya High Court badon burom kala pyllait iya ka hukum” ong u kyrwoh.
“Na ka liang ka sorkar jylla ka dei tang ban husiar halor kino kino ki laisen kiba ïadei bad ka jingtih par kiba khyndiat ïa kiba lah ban pyndonkam bakla da kito kiba don laisen na ka bynta ban sei mawshun na ka bynta ban leh ïa ki kam khaiï. Lada la pyndonkam ïa kine ki laisen na ka bynta ki kam shalan kumta ruh ïa kine ki par mawshun yn shym ba ki dei ka jingtih par kiba heh bad ka ba donkam da kawei pat ka jait laisen bad bad kiwei pat ki kyndon ban tehlakam ïa kiba kum kine ki jingthmu.Kumta ruh la aipor ïa ka sorkar jylla 14 sngi ba kan jubab bad ban shim da kiwei pat ki jingpynkhreh, kata lada donkam”.
“Kumta halor katei ka hukum kaba ïadei bad ka jingkhaiï mawshun sha ri Bangladesh kala sangeh noh bad kane kala wanrah ïa ka ka jingklumar ha ka kha-ïï ka pateng, ka wanrah ruh ïa ka jingduh bylla bad ktah ïa ka ioh ka kot jong uba bun ba lang bad ka jingiap ki ïew ki hat khamtam ha ki nongkyndong” ong u kyrwoh.“
La bynrap ruh ba ka Meghalaya Steering Committee (Minor Mineral) Mining Lease License Holder da ka jingsngewkhia kala leit ban ïa kren, ka la leit ruh ban ud ban nam bad iasaid ïa kane ka kam bad ong ba na ka liang ka sorkar ka la leit ban appeal ïa katei ka hukum (order) jong ka Meghalaya High Court bad ka Meghalaya Steering Committee (Minor Mineral) Mining Lease License Holder ruh kala shim ïa ka rai ba dei ban appeal ïa katei ka order bad ka la file ne ujor ruh kumta ha Supreme Court. Hadien jong kane ka sorkar Meghalaya kala pyllait pat ïa ka challan kha-ïï mawshun, ha kajuh ka por la pyllait ruh na ka ïingbishar Supreme Court da ka hukum ka jong ka, kaba myn ha ka 11 tarik u naiwieng 2022 kaba la pynsangeh ïa ka hukum kaba la pynmih myn ha ka 7 tarik u nailur 2022 jong ka Meghalaya High Court da kaba ong kumne
“Da kaba khmih halor kine ki jingshisha, kumta ruh ngi shim ba ka long kaba shong nongrim ban pyntreikam ïa ka hukum kaba 7-9-2022 ba la mynjur da ka ïingbishar High Court, kata tad haduh ba ïa ka case kaba kongsan vis. PIL No. 18 of 2019 yn shim rai da ka ïingbishar High Court”.“
“Kumba la pynpaw ha kaba sdang ba hadien ba ka Meghalaya High Court kala khang biang ïa ka jingkhaïï mawshun sha Bangladesh, ka Meghalaya Steering Committee (Minor Mineral) Mining Lease License Holder kala leit biang sha ka ïingbishar Supreme Court ban pyndam biang ïa katei ka hukum jong ka Meghalaya High Court khnang ban iohlad ban khaïï biang ïa u mawshun bad ban ïa im ja, im doh biang baroh u khun u hajar jong ka jylla, da kane ka jing pyndep ïa ka jingsdang ban file ïa ka case ki dkhot jong ka Committee ki wan phai pat sha ka jylla myn ha ka 1 tarik u nohprah 2022” pynkut u kyrwoh na u General Secretary jong ka Meghalaya Steering Committee (Minor Mineral) Mining Lease License Holder, u bah Ribanroilang Lyngdoh.