Shillong, Nohprah 01: U nongïalam ka liang Pyrshah u Dr Mukul Sangma u la ong ba ka jingplie Block bad Civil Sub-divison ka sorkar MDA ka dei ka jingleh kyrkieh namar ka jingtieng ïa ka ilekshon 2023 namar ka sngewthuh shai kyndiang ïa ka lawei jong ka hadien ka ilekshon.
Haba kren bad ki lad pathai khubor u la ong ba ka jingplie Block bad Civil Sub-divisions ka dei hadien ba ka la dep phah leh ïa ka survey ba la leh da ka sorkar bad ha kane ka survey ka kdew shai kyndiang ba kane ka sorkar kan sa shah pynliem lyndang ha u paidbah ha ka ilekshon.
U la og ruh ba ki don ki jaka kiba ka sorkar ka kwah ban plie civil subdivision kynsan kynsan khlem pat jurip bniah ïa ki jaka puta bad do ruh ki paidbah kiba ym ai ïa ka jaka puta namar la shu wan kynsan kynsan khlem da ïakren bad ïa syllok halor kaba kum kata ka jingthmu u la ong.
