Shillong, Naiwieng 30 : Ka jingïalehkai quarterfinal jong ka lympung ïalehkai (L) Jien Pyngrope Invitation Memorial Football Tournament 2022 ba pynïaid da ka Mawkynrew Cup Committee kan sdang ha ka 3 tarik Nohprah (sngi Saitjaiñ) ha ka madan ïalehkai phutbol jong ka shnong Jongksha.
Ha ka 3 tarik Nohprah 2022 ka jingïakhun quarterfinal kaba nyngkong ha ka por 11:45 mynstep, ka Kyntiewnam FC kan ïakhun pyrshah ïa ka Jongksha SC, ha ka por 1:45 baje janmiet, ka Ar Tourist FC kan ïakhun pyrshah ïa ka Thangsning SC&C.
Ka Quarterfinal kaba ar kan long ha ka 6 tarik Nohprah 2022, ha ka por 11:45 baje mynstep ka Real Mythics FC kan ïakhun pyrshah ïa ka Thangsning FC katba ha ka por 1:45 baje mynstep ka Warrior FC pyrshah ïa ka Friend United FC. Ka semifinal kan long ha ka 9 tarik Nohprah bad ka jingïakhun final kan long ha ka 14 tarik Nohprah 2022.
