Shillong, Naiwieng : Kum shi bynta ban pynlehkmen ïa ki khun samla ka Mawsiatkhnam Sports Club ka la pynlong ïa ka jingïalehkai phutbol Inter dong baar sngi jong ka shnong ba la pynïalehkai hapoh madan shnong bad kaba la kut ha ka sngi Hatmajai jong ka taiew ba la leit.
Ha kane ka jingïakhun para dong kaba ki la sdang ha ka 24 tarik bad pynkut ha ka 25 tarik u Risaw ka dong Mawsiatkhnam bad ka dong Umjjathang ki la ïoh rung sha ka final.
Ha ka jingïakhun ïa ka final baroh ar tylli ki kynhun ki khlem lah ban ïa thep kol bad ki la hap ban ïakynjat tie breaker ban ïoh ïa ka kynhun kaba jop bad kaba rem.
Ha kane ka jingïashut penalty ka dong Umjathang ka la pynliem ïa ka Mawsiatkhnam da kaba thep 4-3 ha kane ka jingïakhun final.
Ka Umjathang kum ka lahduh ka la ïohrah ïa ka song pisa kaba 10,000 tyngkat bad ka Mawsiatkhnam kaba la wan baar 5,000 tyngka.
Ha ka sngi kut la wan ban sakhi lang da u MLA ka Mawlai konstitwensi u bah PT Sawkmie, ba la synran lang u bah Wanseng Jyrwa, ha ka jingdon ryngkat u rangbah shnong bah Shemphang Wahlang, ki nongkitkam shnong bad ki paidbah kiba la mih ryntih ban ïa peitkai ïa ki jingïalehkai phutbol.
U rangbah shnong ka Mawsiathnam u la pynpaw ba ki pynïalehkai ïa kane ka phutbol kum shi bynta ban pynlehkmen ïa ki khun samla ka shnong bad shi bynta ban kyntiew ïa ka jingïalehkai phutbol ha ka thain.
