Nongpoh, Risaw 23: Ka St. Paul’s Past Pupil ka la rai ban pynlong ïa ka jingïakynduh lang jong baroh ki khynnah skul barim bad ruh ki khynnah skul ba mynta bad ka thong ka long ban don ka jingïadei bad ka jingïatrei lang na ka bynta ban ïa pyrkhat halor shibun ki kam kiba dang donkam ban kyntiew ïa katei ka skul kum kawei na ka shlem kaba ai jingnang jingstad ïa ka dong bad ka thaiñ ha Ri Bhoi.
Kumba la seng ïa kane ka skul St. Pauiul kaba la dap mynta la 60 snem tam, ba kane ka skul ka la pynmih shibun ki nongshong ba kynsai bad ki riew paw khmat hapoh ka them Ri Bhoi bad na ka bynta ban don lang kata ka jingïaithuh I thaw bad ban ïa trei lan na ka bynta ka skul, ka St. Paul Past Pupil ka la rai ban pynlong da ka jingïakynduh lang ha ka 29 tarik u Risaw, 2022 naduh ka por 10 baje mynstep ha St. Paul Higher Secondary School Nongpoh.
Kumba la pyntip da u President ka St. Paul Past Pupil, u Bah Silvester Mynsong, u la ong ba ïa kane ka rai ban pynlong ïa ka jingïakynduh lang jong baroh ki khynnah skul barim bad ki khynnah skul ba thymmai, ka dei hadien ba la ïa shong pyrkhat ha ka 20 tarik, u Risaw, 2022 ha Parish Hall ba la don ryngkat u Fr. Peter Syiemlieh, Parish Priest ka Nongpoh Parish bad ruh ba la ïa ai jingmut lang ba dei ban don kata ka lympung ka jingïakynduh lang jong baroh ki khynah skul barim.
