Jowai Risaw 07: Ka Khasi Students’ Union (KSU) Wahiajer Unit hapoh ka jingïalam jong u Acting President samla Wanshanbormi Laloo ryngkat bad ki dkhot mynta ka sngi 7 tarik Risaw kila leit ban khynra bad leit check ïa ki Trading Licence ïa ki bar Jylla kiba shong die beaiñ hapoh Iewpynsin Wahiajer.
Ha kane ka jingleit khynra ki dkhot ka seng ki la lap ba kine ki bar jylla ki don ïa ki Trading licence ki ba lah kut por khlem renew shuh ïa ki. Naka liang jong ka seng ka la phah pynlum pynlang ïa ki tiar die jong ki bad kala maham ruh ïa kitei ki bar Jylla lada kim lah ban pynbiang ïa ki kot ki sla kim dei shuh ban wan shong die hapoh kane ka Iew,
Ka KSU kala kyrpad ïa ka District Council ba ka dei ban peit ngor bha ïa kum kine ki mynder kiba wan ban kamai khlem da biang ki kot ki sla bad da bishar bniah ym dei ban ai pathar tang naka bynta ka pisa shimet hynrei ka pynïap pat ïaka kamai kajih ki trai Ri trai muluk
La ïathuh ba kitei ki mynder ki dei kiba shong ba sah ha Jowai bad ju shnong die ruh ha Jowai. Kumta naka liang jong ngi ka seng K.S.U Wahiajer Unit ka kyntu ïa ki bor ba dei khmih ba kin hap ban leh ïa kaba donkam lem kumta kin hap ban shim ïaki jingkit khlieh, Ka seng kala lap ruh ïaki kot ki bym don ïa period ba mynno ki ai haduh katno ka jing kut jong ki.
