Khliehriat Risaw 2: Shibynta na ka Swachhta Hi Seva 2022, la rakhe ïa ka Swachh Bharat Diwas ha East Jaiñtia Hills District ïa kane ka prokram la khot pynlong da ka ophis District Swachh Bharat Mission (G), East Jaiñtia Hills District bad ïa ka prokram la pynlong ha Khliehriat West Community Hall bad ka phang pdeng jong kane ka prokram ka long ban kyntu jur ba baroh ki nongshong shnong ki dei ban ïa shim bynta ha ki kam ne ki activities jong ka Sharmdaan.
Haba kren kum u kongsan, Assistant Professor& HOD of Commerce Department, Programme Officer NSS unit, St Anthony’s College Extension, Byndihati, u Prof Seven Dar Dkhar, u la ai ka jingiaroh ïa ki kam jong ka District Swachh Bharat Mission kaba la lah ban pynsngewthuh ïa kiba bun ki nongshong shnong halor ka jingdonkam ka khuid ka suba, u la ong ruh ba kane ka Swachh Bharat Abhiyan ka dei ka prokram ba kyrpang ba la pyllait da u myntri rangbah duh ka ri kaba don ka thong ban pynlong ïa ka ri kaba khuid ba suba bad ba ki nongshong shnong kin don kata ka jingkitkhlieh ban im ka jingim ha ka koit ka khiah bad ka khuid ka suba.
Haba kren shaphang ka khuid ka suba, u bad S.Dkhar u la ong ba ka long kaba donkam ban pynmlien na lade shimet ban long kiba leh khuid, ban pynkhuid ruh ïa ki rud ki kiar sawdong “Lada ka khuid ka suba ka sdang na lade bad na la rympei, baroh kawei ka jylla bad baroh kawei ka ri kan long kaba khuid”u la bynrap bad kyntu ïa ki khynnah skul bad ïa ki paidbah kiba la ïa don lang ha ka prokram ba ki dei ban kiar na kaba leit shabar pathar, ki dei ban pynneh pynsah ïa ka mariang kaba khuid bad dei ban don ka jingiatreilang ban kyntiew ïa ka khuid ka suba.
U District Coordinator, Swachh Bharat Mission (G), East Jaiñtia Hills District, u bah W.Buam, ha ka jingkren maitphang jong u, u la batai halor kane ka jingrakhe ïa kane ka Swachh Bharat Diwas bad ong ba kane ka dei shibynta jong ka campaign bad ha kane ka jingrakhe la ioh ruh ban pynlong ïa shibun tylli ki prokram bapher bapher halor ka jingthmu ba ki paidbah kin ïa shimbynta lang, u la ïathuh ruh shapnag ka “Jan Andolan” bad ka jingdonkam ka “Sampoorn Wwachh” kaba dei shaphang ka khuid ka suba.
La ong ruh ba ka tnat treikam, ka la dep ban pynlong bun tylli ki pyrkram ai jingpynshai ha ki shnong ki thaw ban pynsngewthuh ïa ki paidbah ba kin pynïakhlad ïa kito ki ñiut kiba pyut bad ki bym pyut bad ban kiar na kaba pyndonkam ïa ki plastik.
Kiba la ai jingkren ha ka jingialang ki kynthup ruh ka IEC Coordinator Jal Jeevan Mission, East Jaiñtia Hills District, ka kong Tracy Dkhar, ka IEC Consultant, Swachh Bharat Mission (G), East Jaiñtia Hills District, ka kong Ibanylla Lyngdoh bad u Assistant District Coordinator, Swachh Bharat Mission (G), East Jaiñtia Hills District, u bah K. Kharphuli.
Ha kane ka prokram jong ka Swachh Bharat Mission, u Waheh Shnong jong ka shnong Sohkymphor, u bah Kmen Dkhar bad u Secretary Village Water Sanitation Committee Lumputhoi, u bah Shimphang Lyngdoh, ki la ioh pdiang ïa ka khusnam Swachata Champion Award 2022 kane ka khusnam ka long namar ka jingnoh syniang ba radbah jong ki sha ka Swachh Bharat Mission Gramin, ïa ki khusnam la ai da u Prof SevenDar Dkhar.
La ioh ruh ïa ka sam ïa ki prize sha kiba jop ha ka jingiakop thoh Slogan bad Poster Competetion kaba la dep pynlong myn ha ka 26 tarik u nailur 2022 ba la wan ban ïa shim bynta da ki khynnah skul.
