Nongpoh, Nailur 12: Ban lum ban lang bad ban ïa kren na ka bynta ka bha ka miat jong ka Kur Suting, ka Kur Suting na Ri Bhoi ka la rai ban pynlong ïa ka jingïalangbah ha Ri Bhoi ba la rai ban pynlong ha ka Shnong Pahamrioh ha ka 17 tarik u Nailur, 2022 ba kan sdang naduh ka por 10.30 baje mynstep.
Na ka liang u Bah Micheal Suting bad u Bah Riskhem Suting, kiba dei ki nongïalam jong ka Kur Suting, ki la khot la wer ïa baroh ki Kur Suting, kiba dei tang na Ri Bhoi ba kin ïa poi khnang sha katei ka jingïalang khnang ba kane ka jingthmu ban ïa shong pyrkhat na ka bynta ka bha ka miat jong ka kur kan long kaba jop.
Shuh shuh kitei ki nongïalam ki la pyntip ruh ba ka jingthmu kane ka jingïalangbah ka Kur Suting ba dei tang na Ri Bhoi ka long ban ïa mir jingmut halor ki kam ki jam kiba ïa dei na ka bynta ka Kur Suting bad kummta, ka Kur ka khot ka wer ïa baroh ki Kur Suting, kiba dei tang na Ri Bhoi ba kin ïa poi khnang sha kane ka jingïalangbah ka kur khnang ban lah ban pyndep ïa ki kam ki jam kiba ka kur ka kwah ban ïa kren halor ka bha ka miat jong ka kur Suting.
