Nongpoh, Nailar 23: Namar ka jingma bad ka jingjia ba sngewsih ba ju jia naka por shaka por ha kaba ïadei bad ka jingbym don lynti ïaid kjat (Footbpath) bad jingker ha jingkieng Sumer kaba dei ruh ka surok bah National Highway, ka HYC Sumer Unit kala leit ban ujor syndon sha u Deputy Commissioner ka Ri-Bhoi District, u Arpit Upadhay ban peit bad khmih ïa katei ka jingeh ba ki paidbah bad khamtam ki khynnah skul ki ïakynduh ha katei ka shnong.
Naka liang ka HYC Sumer Unit hapoh ka jingïalam u Samla Shining War kum u President, haka jingsynrang lang ruh u Samla Jason Lenox Nongrum President ka HYC Ri-Bhoi, ryngkat bad ki dkhot ka Sumer Unit kila pynpaw ruh hakhmatt u DC halor ka jingma ïaki paidbah kiba ïaid ba ieng lyngba katei ka jingkieng, khamtam ki khynnah skul kiba hap ban ïaid kjat man ka sngi na katei ka juh ka jaka ïaid ki kali kaba lah ban wanrah ka jingjia ba sngewsih ha kano kano ka por khamtam haka por slap.
Shuh shuh naka liang ka seng kala pynpaw ruh ba ka jaka iaid kjat paidbah ha katei ka jaka kala long kaba donkam eh, ha kaba ki bor ba dei peit ki dei ban shimkhia ïaka jingma kaba ap ïaki paidbah bad khynnah skul ha katei ka thaiñ.
