Jowai, Nailar 16: Ka West Jaiñtia District Sports Association (WJDSA), mynta ka sngi kala sdang ïa ka lympung ïalehkai bala tip kum ‘U Kiang Nangbah Memorial Trophy’ Super Division Football Tournament-2022 ha madan Kiang Nangbah Stadium Dongmihsngi Jowai, kane ka lympung ka long shi bynta na ka jingrakhe dap 50 snem ka Association.
Baroh ki kynhun ki ban ïashim bynta ha kane ka lympung ‘Super Division’ ki don haduh 8 tylli kiba kynthup ïa ka Mynthong, Sohmynting, 7-Wasa, Ladthadlaboh, Khimusniang, Shangpung Lumiawmusiang, Sabahmuswang bad ka Nangbah Mulang.
Ha kane ka sngi sdang 16 tarik la wan ban aireng nyngkong da ka kynhun Mynthong kaba la lah ban pynliem da 2-0 kol ïa ka Sohmynting, ïa kitei ki kol la thep na ka Mynthong la thep da u Romaric B Ngueufang ha ka minit ba 50 bad u Timmy Ryngkhlem ha ka minit ba 75. Ka jingïakhun lashai ka sngi 17 tarik u Nailar kan long hapdeng ka Sabahmuswang pyrshah ïa ka Nangbah Mulang ha ka por 3 baje janmiet.
