Nongstoiñ, Nailar, 05: U incharge Deputy Commissioner (Excise) jong ka West Khasi Hills, u la pyntip ba katkum ka bor ba la pynkup ha u hapoh ka section 324-A jong ka M.E Act (Assam Excise Acts and Rules as adapted), u la pynbna DRY DAY ne sngi tyrkhong kyiad ha baroh jong ka West Khasi Hills District ha ka 15 tarik mynta u bnai, namar ka jingrakhe ïa ka Independence Day.
U la bthah ïa baroh ki dukan die kyïad pyrsi bad IMFL ki bar, Hotel, Bonded warehouse, ba ki dei ban khang khyrdep ïa la ki dukan ha kitei ka sngi. Lada lap ïa kiba leh pyrshah yn pynshitom ïa ki hapoh ka kyndon aiñ kaba la teh.
