Kyntu u DC ban pynrung kyrteng ïa baroh kiba dap 18 hapoh ka Electoral Roll
Jowai, Naiwieng 19: U Deputy Commissioner (Election), ka West Jaiñtia Hills District, ula pyntip paidbah ïaka Special Summary Revision (SSR) jong ki Electoral Rolls, 2027, bala pynbna daka Election Commission of India (ECI) baka 1 tarik u Kyllalyngkot, 2027 kan long kum qualifying date.
Kino kino ki nongshong shnong kiba la dap 18 snem ka rta ha lane shwa ka 1 tarik u Kyllalyngkot, 2027 ki lah ban apply ban pynrung kyrteng ïalade. La plie ruh ïa ki aplikeshon ïa kito kiba dap 18 snem haka 1 tarik u Ïaïong, 1 tarik u Naitung bad ka 1 tarik u Risaw, 2027.
Ïa ka Draft Electoral Roll yn pynmih haka 1 tarik Nohprah, 2026. Na ka bynta ki jingujor bad ki jingpyrshah kan long haka 1 tarik Nohprah, 2026 bad kan bteng haduh ka 31 tarik Nohprah, 2026. Ïa kitei ki jingpynbeit la buh ban pyndep haka 14 tarik u Kyllalyngkot, 2027. Katba ïa ka Final Electoral Roll yn pynmih haka 20 tarik u Kyllalyngkot, 2027.
Na ka liang u Deputy Commissioner ula kyntu ïa baroh ki nongshong shnong ban kin pynrung kyrteng ïalade hapoh ka Electoral Roll, bad pynthikna baroh ki dei ki don ka hok ban thep vote khlem da shah kyntait.