Takraiñ kylla u Bah Pala ïa u Bah Prestone da kaba kynnoh u leh ka politik tad dor

0

Shillong, Naiwieng 19: U President jong ka Khasi Jaintia Defecit School Teacher Association (KJDSTA) u Babu Boswell Pala u la takrain tyngeh ïa u Bah Prestone Tynsong uba dei u Symbud Myntri Rangbah da kaba kynthoh kylla ba dei ma u uba leh kai da ka politic kaba tad dor bha.
Kane ka jingtakrain u Bah Pala kala wan tang hadien ba u Bah Prestone u la kynnoh ïa ki nonghikai ba ki leh politic ha kane ka jingïakhih ka jong ki.
Haba kren sha ki lad pathai khubor u Bah Boswell Pala u la ong, “Ba ki don kine ki briew kiba kum ma u kiba lah pynjaboh bad kiba lah pynjakhlia ïa kaPolitic haduh katta katta bad ki briew mynta na ka bynta ban pyntroin bad pynhiar ïano ïano ki ong beit da ka kyntien leh politic”.
“Kadei kaba sngewsih ïa ka kyntien ba don burom kaba don jingmut bad shongkhia haduh katta kata la pynjaboh da kine ki briew, ha kano ka rukom ngi leh Politic namar ba tang ïa ka DA kaba lah shi snem shiteng ngim ioh, ha kano ka rukom ba ngi leh Politic haba ïa ka order ban pyntrei kam ïa ka CPF 10% na ka tulop kaba lah ioh naduh 2024 bad khlem pyntrei kam haduh mynta, ha kano ka rukom ngi leh Politic haba ngi ong thung kam ha ki post ba lah lait ha ki post Defecit” ong u Bah Pala.

Leave A Reply

Your email address will not be published.