Leh burom ka Dorbar Shnong Loomkyrwiang ïa ka Childdren’s Day
Jowai, Naiwieng 15: Ka Dorbar Shnong Loomkyrwiang, Jowai ha kane ka 14 tarik u Naiwieng, 2026 kala leh burom ïaka sngi kyrpang ki khynnah ne ka Children’s Day haka jingïalang bala pynlong ha Dorbar Hall jong ka Shnong, ha ka jingwan ïashim bynta lang jong ki longkmie bad ki longkpa.
Ïa ka jingïalang la pynïaid da u ma S.D.Laloo, General Secretary uba la buh ruh ha ka jingduwai bad ka jingkren longkot shaphang u Pandit Jawaharlal Nehru na u Elford Laloo.
Ka phang jong une u snem ka long “My Day, My Rights, My Future” na ka liang u ma Chibor Najiar, Adviser LDC haka jingkren ula pynsngew ba ki khynnah ki dei ki lawei jong ka ïing ka sem, ka shnong ka thaw bad ka Ri ka Jaitbynriew, kumta ka jingpynlong ïa kane ka prokram ka long kum shi bynta ban pynpaw sha ka pyrthei ba ka Dorbar Chnong kala leh na ka bynta kaba bha tam ïa ki khynnah.
Shuh shuh ula ai ka jingkyntu ïa ki khynnah ban don ka akor ka burom naduh ïing wat shabar kumjuh, ula kyngtu ruh ïa ki khynnah ba kin long kiba mihnot ha ki jingpule khnang ba kin poi sha ka thong jong ka nam bad ka burom haki sngi ban wan.
Ha kane ka sngi la pynphuh pynphieng shuh shuh da ki prokram pynbyrnia bapher bapher kiba ka Dorbar Shnong kala leh na ka bynta ki khynnah, nalor ka jingsam ïa ki tiar ki tar, ki jingbam, ka jingot ïa u Cake bala ïashim bynta lang da baroh ki khynnah.